Wat ze veul vraogt

Drèents

Wij verkoopt allennig kaorties online op www.fcemmen.nl/tickets. Daor moe’j wal eerst ’n account maken en ’n graotis lidmaotschap anvraogen. Veur sommige thuuswedstrieden he’j gien lidmaotschap neudig, maor veur de mieste wal. Met ien account ku’j vier kaorties kopen. A’j een lidmaotschap anvraogt hebt, duurt ’t nog 24 uur veurdaj echt kaorties kunt kopen.

D’r bent meerdere parkeerplaotsen rondum ’t stadion. A’j wat eerder bij ’t stadion bent, ku’j dichterbij parkeren. Volg de anwiezings van de verkeersregelaors op.

Um ’n kaortie te kopen veur uutwedstrieden, moe’j eerst ’n graotis Uutkaort anvraogen. As d’r iets niet klopt, laoten we ’t joe weten. Haol de homepage van oeze website (klik op Ticket info) in de gaoten veur informaotie over kaortverkoop.

Alle priezen veur thuuswedstrieden ku’j vinden op www.fcemmen.nl/ticketing/losse-kaartverkoop. Bij topwedstrieden in de Eredivisie hebt wij ’n toeslag van 20% op de pries. In de Eerste Divisie hebt wij dat niet.

De priezen veur uutwedstrieden verschilt per wedstried, hol oeze homepage of dizze link in de gaoten. Miestal kosten dizze €9,- of €15,-

Nee, ’t kopen van kaorties bij ’t stadion is niet meer meugelijk. Sunds ’t seizoen 2019-2020 löp de kaortverkoop allennig online via www.fcemmen.nl/tickets.

Oeze fanshop is in oes stadion De Oude Meerdijk, Stadionplein 1 in Emmen, tegenover de receptie. Dizze is alle werkdagen lös van 9.00 tot 17.00 uur. Je kunt daor contant of met PIN betaolen.

Al oeze seizoenkaorten bent uutverkocht. Daorum warkt wij met ’n wachtliest. Wo’j kans maken op ’n seizoenkaort, dan moe’j een graotis lidmaotschap van FC Emmen anvraogen en jezelf op de wachtliest zetten.

As de competitie haost aflopen is, zult wij via de website, e-mail en sociaole media laoten weten dat ’t meugelijk is om joen seizoenkaort te verlengen. Veur supporters die zo vrog meugelijk verlengt, hebt wij tevens leuke extraoties.